ஐயோ முடியலெ!!

ரொம்ப நாளாக எஃப். எம்முக்கு கால் செய்து மொக்கை போட வேண்டும் என்பது ஏழுவின் ஆசை. அதிரடி ஆக் ஷனில் இறங்கிய பாலாஜி லைனை போட்டு ஏழுவிடம் தந்தான். பாதி மப்பில் இருந்த ஏழு ஆரம்பித்தான்.

RJ: ஹலோ சூரியன் எஃப். எம்
ஏழு: ஒழுங்கா சொல்லுங்க ஹலோ எஃப். எம்மா சூரியன் எஃப். எம்மா?
RJ: சூரியன் எஃப். எம் தாங்க
ஏழு: அப்படியா நான் சூரியன் ஐ.பி.எஸ் ன்னுல நினைச்சுட்டு இருந்தேன்?
RJ: கடிக்காதிங்க சார். அது சூரியன் படத்துல. இது ரேடியோ ஸ்டேஷன் பேரு.
ஏழு: ரேடியோவ எங்க வேணும்னாலும் துக்கிட்டு போலாமே. அப்புறம் ஏன் ரேடியோ ஸ்டேஷன்னு பேரு வச்சிங்க
RJ: சூப்பர் கேள்விங்க நான் எங்க எம்.டி கிட்ட கேட்டு சொல்லறேன்.
ஏழு: அவங்களையே டி போட்டு சொல்லறிங்க மரியாதையே இல்லையா?
RJ: வழக்கமா நாங்க தான் கேள்வி கேட்போம். நீங்க ஏன் சார் கேள்வி மேலே கேள்வி கேட்கறிங்க?
ஏழு: நீங்க தானே கேளுங்க கேளுங்க கேட்டுகிட்டே இருங்கன்னு சொல்லறிங்க?
RJ: முடியலே சார். உங்க பேரு? எங்க இருந்து கால் பண்றீங்க?
ஏழு: மலை ஏழுமலை... போனுக்கு பக்கத்துல இருந்துதான் கால் பண்றேன்.
RJ: ஓகே சார், போட்டி விதிமுறை எல்லாம் தெரியும்னு நினைக்கிறேன். முதலில் டூயட் பாட்டு ஒண்ணு பாடுங்க
ஏழு: மெட்டு போடு.. மெட்டு போடு.. ஏன் தாய் கொடுத்த தமிழுக்கு இல்லை தட்டுபாடு.
RJ: சார், டூயட் பட பாட்டு இல்ல சார். காதல் பாட்டு பாட சொன்னேன்.
ஏழு: புறா கூடு போல முப்பது ரூமு...
RJ: ஓகே சார், உங்க வழிக்கே வரேன். இந்த பாட்டை யார் பாடினாங்க?
ஏழு: நான் தாங்க பாடினேன். ஏன் நல்லா இல்லையா?
RJ: ஸ்ஸப்பா. ஏன் சார்? அவர் பாடின இன்னொரு பாட்டு பாடணும். அதுக்கு சொன்னேன். சுரேஷ் பீட்டர் தான் பாடியவர். அவரின் வேற ஒரு பாட்ட பாடுங்க.
ஏழு: சிக்கு புக்கு சிக்கு புக்கு ரயிலே.
RJ: இல்ல சார், இதுக்கு முன்னாடி கால் பண்ண ஒரு நேயர் அத பாடிட்டாரு.
ஏழு: என்னங்க நீங்க. எஸ்.பி.பி, ஜேசுதாஸ் பாடின பாட்டையே நான் திருப்பி பாடுவேன். அவங்களே ஒண்ணும் சொல்ல மாட்டங்க.
RJ: அப்படி இல்ல சார், ஒருத்தர் பாடியதே இன்னொருத்தர் பாட கூடாது என்பது நம்ம போட்டியோட விதி.

ஏழு: அப்புறம் ஏங்க சுரேஷ் பீட்டர் பாடின பாட்ட பாட சொன்னிங்க?
RJ: ஓகே சார், மொத ரவுண்டு முடிஞ்சது.
ஏழு: அது எப்படி உங்களுக்கு தெரியும்?
RJ: சார். நான் போட்டில முதல் ரவுண்டு முடிஞ்சதுனு சொன்னேன். அடுத்த ரவுண்டுக்கு போலாமா?
ஏழு: நான் ரெடி.
RJ: உங்களுக்கு ரொம்ப புடிச்ச கிரிக்கெட் பிளேயர் யாரு?
ஏழு: மந்திரா
RJ: மந்திரா பேடியா?
ஏழு: அதெல்லாம் எனக்கு தெரியாதுங்க பார்த்தா பொண்ணு மாதிரித்தான் தெரியுது.
RJ: சார். இதெல்லாம் ரொம்ப ஓவர். அவங்க கிரிக்கெட் கமண்டேட்டேர். கிரவுண்டிலே ஆடறதுலே யார புடிக்கும்?
ஏழு: கேத்ரினா கைப். அவங்க ஐ.பி.எல். பைனல்ஸ்ல கிரவுண்டிலே ஆடினாங்களே. பாக்கலயா?
RJ: சார். ரொம்ப மொக்கை போடறிங்க பரிசு வேணுமா வேண்டாமா?
ஏழு: என்ன ரொம்ப மிரட்டறிங்க? நீங்க கொடுக்கிற மொக்கை பட டிக்கெட்டுக்கு இவ்ளோ நேரம் கால் பண்ணி பேசறேனே. என்னை சொல்லணும்.
RJ: ஓகே சார், தோனியின் சொந்த ஊர் எது?
ஏழு: அடப்பாவி ஒரு ஊரையே சொந்தமா வாங்குற அளவுக்கு சம்பாதிச்சிட்டானா?
RJ: பதில் சொல்லுங்க சார். தெரியலனா கட் பண்ணுங்க.
ஏழு: ராஞ்சி (ஆறு சொல்லி குடுக்கறான்)
RJ: யாரு சார் பக்கத்துலே?
ஏழு: ஆறு
RJ: அதான் உங்களுக்கு பதில் சொல்லி தந்தாரே அவரு.
ஏழு: அதான் ஆறு.
RJ: ஒ! ஆறுதான் அவர் பேரா? நீங்க ஏழுன்னா அவர் உங்க தம்பியா?
ஏழு: ஆமாம். நயந்தாரா ஏங்க அக்கா. அடுத்த கேள்விய கேளுங்க.
RJ: அடுத்த ரவுண்டு ஜி.கே.
ஏழு: B.K. தெரியும் அது என்ன G.K
RJ: சார். ஜெனரல் நாலேட்ஜ்.
ஏழு: அப்படி ஒரு சரக்கா?
RJ: டொக்
ஏழுவின் நிலையை லேட்டாக புரிந்து கொண்ட அவர் லைனை கட் செய்கிறார்.